ಶುಕ್ರವಾರ, ಡಿಸೆಂಬರ್ 31, 2010

ಹಗುರಾಯ್ತು ಮನ



ನಲ್ಲೆ ನಾ ಅಂದುಕೊಂಡಿದ್ದೆ
ನನ್ನ ದುಃಖ ಸಾಗರದಷ್ಟು ಆಳ-ಅಗಲ
ನಿನ್ನೊಡನೆ
ಹಂಚಿಕೊಂಡ ಒಡನೆ
ಮನಸಾಯ್ತು
ಹಗುರ- ನಿರಾಳ

ಏನು ಮಾಯೆಯೋ, ಎಂಥಾ ಮೋಡಿಯೋ
ನಾನಂತು
ಅರಿಯೆ ನಲ್ಲೆ
ನಿನ್ನ
ಮುದ್ದಾದ ಮೊಗವ ಕಂಡೊಡನೆ ನಾನು
ಮರೆಯುವೆನು
ಎಲ್ಲ ನೋವ

ನನಗಾಗಿ ನೀನು- ನಿನಗಾಗಿ ನಾನು
ಬಾಳೋಣ ಕೊನೆಯವರೆಗೂ
ಸ್ವರ್ಗಕ್ಕೆ ಕಿಚ್ಚು ಹಚ್ಚೋಣ ನಾವು
ಬಾ ಸೇರು ನನ್ನ ತೋಳು

ಗುರುವಾರ, ಡಿಸೆಂಬರ್ 30, 2010

ನಮ್ಮ ಸಿಂಹ


ದೇಹ ದೂರಾದರೇನು, ವರುಷ ನೂರಾದರೂನು
ಮರೆಯಲಾರೆವು ಎಂದೆಂದು ನಿನ್ನನ್ನು
ಸಾಹಸ ಸಿಂಹ ಎಂದು ನೀಡಿಹೆವು ಬಿರುದು
ಆದರೂ ನಿನ್ನ ಮನಸು ಹೂವಂತೆ ಮೃದು
ಕನ್ನಡ ನಾಡಿಗೊಬ್ಬನೇ "ವಿಷ್ಣುವರ್ಧನ"
ಮತ್ತೊಮ್ಮೆ ಜನಿಸು ನೀ ಕರುನಾಡಲ್ಲೆ
ನಿನಗಿದೋ ನನ್ನ ನುಡಿ-ನಮನ