ಅಸಾಮಾನ್ಯ ಅರವಿಂದ

ಕೊಟ್ಟ ಕುದುರೆಯ ಏರಲಾರದವ
ಶೂರನೂ ಅಲ್ಲ ಧೀರನೂ ಅಲ್ಲ
ಎಂದು ಜರಿದರು ಅಂದು
ಅಪವಿತ್ರ ಮೈತ್ರಿ ಎಂದು ಜರಿವರು ಇಂದು

ಜರಿವವರ ಜರಿಯಲು ಬಿಟ್ಟು
ಧೈರ್ಯದಿಂದ ಮುಂದಡಿಯಿಟ್ಟು
ಅಭಿವೃದ್ಧಿಪರ ಆಡಳಿತವನ್ನಿತ್ತು
ತೋರಿ ನಿಮ್ಮ ಕರಾಮತ್ತು

ಜನಲೋಕಪಾಲ ಜಾರಿಗೆ ತಂದು
ಜನಸಾಮಾನ್ಯರ ಮನವ ಗೆದ್ದು
ರಾಜಧಾನಿಯಲ್ಲಿ ರಾರಾಜಿಸಿರಿ
ಜನಜೀವನವ ಸುಧಾರಿಸಿರಿ

ಮಾದರಿ ರಾಜಕಾರಣಿ ಆಗಿ ನೀವು
ಪ್ರಗತಿ ಮಂತ್ರವ ಜಪಿಸುತ್ತ ಮರೆಸಿ ಜನರ ನೋವು
ಜಯಿಸಲಿ , ಜಗಮಗಿಸಲಿ ಜನಸಾಮಾನ್ಯ
ಉದಯಿಸಲಿ ಹೊಸದೊಂದು ರಾಮರಾಜ್ಯ

ಚಿತ್ರ ಕೃಪೆ : ಅಂತರ್ಜಾಲ