ಅವಳ ಮನದಾಳ-೦೩

ನೆನಪು 

ಎಲ್ಲಿರುವೆ ಓ ನಲ್ಲ 

ನೀ ಹೊರಿಸಿ ಹೋದ ನೆನಪುಗಳಮೂಟೆ 

ನಾ ಹೊರಲಾರದೇ ಹೊತ್ತಿರುವೆ 

ನನ್ನೊಡನೆ ನೀ ನಡೆದ ಹಾದಿ 

ಕೈ ಹಿಡಿದು ಬರಸೆಳೆದು ಮುತ್ತಿಟ್ಟ 

ಕ್ಷಣ ಕಣ್ಣ ಮುಂದೆ ಹಾಗೇ ಇದೆ 

ಕೊಟ್ಟಮಾತನು ತಪ್ಪಿ 

ಕಾಣೆಯಾಗಿ ಹೊರಟುಹೋದೆ 

ನಾ ಹೇಗೆ ಬದುಕಲಿ ನೀನೇ ಇಲ್ಲದೇ!!??

ಆ ನಿನ್ನ ಮೀಸೆಯಂಚಿನ ಮಂದಹಾಸ

ಮರೆಯುವುದಾದರೂ ಹೇಗೆ?

ತಿಳಿಯಲಾರದೆ ನಾನು ಚಡಪಡಿಸುತಿರುವೆ 

ನಿನ್ನ ಮರೆಯುವ ಬಗೆಯ ನೀನೇ ತಿಳಿಸು ಇನಿಯ 

ಅರಿಯದಾಗಿಹೆ ನಾನು ಮರೆವ ಬಗೆಯನ್ನು 

ಹೊರೆ ಇಳಿಸಿ ಹೊರಹೋಗು ಹೃದಯದಿಂದ